Nabiullina: “Çikläwlärneñ kiskenläşüenä qağılışlı risklar arta”
Rusiyä Üzäk bank başlığı Êl’vira Nabiullina sankśiyälärneñ tağın da kiskenläşterelüenä qarata risklarnıñ artuın belderde
Êl’vira Nabiullina Rusiyä Üzäk bankınıñ säyäsät prośentın 7,5% däräcäsendä totrıqlı totu qararınnan soñ başqala Mäskäwdä jurnalistlarğa bäyäläwlär yasadı.
Xezmät tarmağında soraw-taläpneñ artuı häm tovar soraw-taläbeneñ azayuı belän global’ iq’tisadnıñ “Kovid-19” kizüennän äwwälge torışına qayta başlawın iskärtep uzuçı Nabiullina: “Rusiyä iq’tisadı kiläse yılda tulısınça krizistan aldağı çorğa qaytaçaq,” – dip äytte.
Rusiyä iq’tisadında inflyaśiya belän bäyle risklarnıñ artuın belderüçe Nabiullina: “Personal defiśitı arqasında citeşterü soraw-taläbe qanäğätländerelmäskä mömkin häm inflyaśiyanıñ 4% maqsattan kübräk tizlänüenä säbäp bula ala. Çikläwlärneñ tağın da kiskenläşterelüenä qağılışlı risklar bigräk tä ikençel sankśiyälär cähätennän arta. Global’ iq’tisadta äkrenäyü qurqınıçı da däwam itä,” – dide.
Nabiullina Rusiyä Üzäk bankınıñ çirattağı cıyılışında prośent artuı ixtimalınıñ kütärelüen iskärtep uzdı.
