Blinken Pekinğa barırğa äzerlänä
Amerika Quşma Ştatları däwlät särkätibe Êntoni Blinkennıñ ay axırında Qıtayğa säfär yasıy alaçağı belderelde
“Wall Street Journal” gazetınıñ AQŞ häm Qıtay räsmilärenä tayandırğan xäbärendä Blinkenneñ ay axırında Qıtayğa säfär yasıy alaçağı mäğ’lümate citkerelde.
Qıtay belän Amerika Quşma Ştatları arasında kiyırenkelekkä yul açqan “şimçı şarı” waqıyğasınnan alda Blinkennıñ fevral’ ayında Qıtayğa barunı planlaştırıluı iskä töşerelep, telgä alınğan şuşı säfär belän bäyle bularaq xäzerge waqıtta här ike tarafta da äzerleklärneñ başlanuı belderelde.
Blinkenneñ başqala Pekinda Qıtay kommunistlar partiyası üzäk tışqı mönäsäbätlär komissiyası ofisı direktorı Vang Yi, Qıtay tışqı êşlär ministrı Çin Gang häm başqa yuğarı däräcäle räsmilär belän küreşep söyläşüeneñ kötelüe citkerelgän xäbärdä AQŞ däwlät särkätibeneñ Qıtay İlbaşı Si Cinpiñ belän oçraşıp-oçraşmaw mäs’äläsendä qararsız buluına işarät itelde.
Êntoni Blinken Amerika Quşma Ştatları hawa kiñlegenä kergän şarnıñ bärep töşerelüe belän artqan krizis arqasında fevral’da Qıtayğa yasarğa planlaştırğan säfären ğamäldän çığarğan ide.
Krizis arqasında diplomatik mönäsäbätlär zur külämdä özelep qalğan bulsa AQŞ Milli iminlek kiñäşçese Djayk Sallivan belän Qıtaynıñ iñ ölkän diplomatı, Qıtay kommunistlar partiyasınıñ Üzäk tışqı mönäsäbätlär komissiyası ofisı direktorı Vang Yi 10nçı-11nçe mayda Awstriya başqalası Venada ütkärgän söyläşü waqıtında mönäsäbätlärneñ yañadan urnaştırıluı mäs’äläsendä adım yasağan ide.
