NATO tarixındağı iñ zur hawa öyränüläre kötelä

NATO üz tarixındağı iñ zur hawadan taşu öyränülären Germaniyä häm Könçığış Awrupada uzdıraçaq.

12-23 nçe iyün’dä bulaçaq “Air Defender-2023” öyränülärendä 10 meñnän artıq aviator häm 250läp xärbi oçqıçnıñ qatnaşuı planlaştırıla.  Amerika Quşma Ştatlarınıñ xärbi hawa köçlärennän yaqınça 110 oçqıç Atlantik okeannıñ ikençe yarınnan Awrupağa kiläçäk. Moña östäp Awrupadağı NATO däwlätlärennän 80,  xalıqara berlektäşlärdän 60 oçqıçnıñ öyränülärdä urın aluı küzallana.

Germaniyä xärbi hawa köçläre qabul itäçäk çarada ittifaqnıñ hawa saqlanu quäten üsterü, hawadağı höcümnärne kire qaytara aluı yullamasın birü häm Atlantiknıñ ike yarınıñ garmoniyäsen nığıtu maqsat itep quyıla.

İyün’ urtasında uzaçaq öyränülär säbäple Germaniyäneñ kön’yağı, tön’yağı häm könçığışında maxsus hawa kiñlekläre bilgelände. Älege çara nisbätennän Awrupa östennän oçuçı şaqtıy ğına ıçqıç säfärläreneñ marşrutı üzgärteläçäge belderelä.