Yöräk öyänäge baş miyenä dä zarar birä
Tikşerenülär infarkttan soñ baş miye funkiyäläreneñ tizräk kimüen açıqladı
Yöräk öyänägeneñ kiläçäktä baş miye funkśiyäläreneñ ğadättägedän tağın da tizräk kimüenä kiterä aluı açıqlandı.
“United Press International”nıñ xäbärenä qarağanda, ğalimnär yöräk öyänägeneñ kisäk kenä tanıp-belü problemaların kiterep çığarmawın citkerä. Qıyınlıqlar aqrınlap, yıllar ütkän sayın kürenä başlıy.
Belgeçlär infarktnıñ baş miye funkśiyälärendäge täêsiren kürü öçen 50 yıl buyı alıp barılğan êşçänleklärne qarap çığa häm 1971nçe yıldan 2019nçı yılğa qadär çorda uzdırılğan 6 tikşerenüne analizlıy. Anda yöräk öyänägennän soñ baş miye funkśiyälärendäge artqa kiteşneñ 6-13 yıllıq aqıl qartayuına tiñ buluı açıqlana.
Djon Xopkins universitetınıñ mediśina fakul’tetınnan nevrologiya dośentı Mişel’ Yoxansen êşçänlekneñ ähämiyäten assızıqlap: “Yöräk öyänägenä yul quymaw - ölkän yäş’täge keşelärdä baş miye sälamätlegen saqlaw öçen strategiyä bula ala,”-dide.
