Tämäke tartunı taşlawçılarnıñ ğomer ozınlığı arta

30 yäş’lär tiräsendä tämäke tartunı taşlawçılarnıñ ğomer ozınlığı yaqınça 10 yıl arta.

Bötendön’ya sälamätlek saqlaw oyışması mäğ’lümatlarına qarağanda, dön’yada 1 milliard 300 million tämäke tartuçılarnıñ 80%tan artığı az häm urta keremle illärdä yäşi. Tämäke produktların qullanuçılarnıñ yaqınça yartısı tämäke belän bäyle awırular arqasında irtä ülä.

Yıl sayın tämäke tartu arqasında ğomeren yuğaltqan 8 millionnan artıq keşeneñ yaqınça 1 million 300 meñen anı qullanmıyça tämäke tötenenä duçar buluçılar täşkil itä.

Tämäke tötene yaqınça 700 million balağa täêsir itä. Yıl sayın 5 yäş’kä qadärge 65 meñ bala passiv täêsir kiterep çığarğan sulış yulları infekśiyäläre arqasında ğomeren yuğalta.

Bötendön’ya sälamätlek saqlaw oyışması bilgeläp uzğança, 30 yäş’lärdä tämäke tartunı taşlawçılarnıñ ğomer ozınlığı, tämäke tartunı däwam itüçelär belän çağıştırğanda, yaqınça 10 yıl arta.