Hindıstanda poyezd hälakäte

Kiçä Hindıstannıñ Odişa ştatında bulğan poyezd hälakätendä 288 keşeneñ ğomere özelgän, 900 dän artıq keşe yaralanğan.  

İke yulçı häm ber yök poyezdı qatnaşındağı qaza cirle waqıt belän 19 säğat’ 20 minutta bula.  

Faciğale waqıyğada ğomerlären yuğaltuçılar sanı arta alu borçu tudıra.

Qaza arqasında küp sanda poyezd säfäre ğamäldän çığarılğan.

Anıñ säbäben tikşerälär.

Hindıstan ilbaşı häm prem’yer-ministr qazada yaqınnarın yuğaltqan ğailälärneñ qayğısın urtaqlaştılar, avariyädän zıyan kürüçelärgä kiräkle yärdäm kürsätelüen belderdelär häm cäräxätlängän keşelärneñ tiz arada sälamätlänüen telädelär.