Kiyıvtağı höcümdä balalar ülgän

Rusiyä armiyase kiçä Ukraina başqalasına hawadan oyıştırğan höcümendä 2ese bala bulğan 3 keşe ülgän, 10 keşe yaralanğan.

Kiyıv şähäre xärbi idaräse başlığı Sergey Popko, soŝial’ säxifädä belderü yasap, Rusiyä köçläreneñ tönlä Kiyıvka höcüm oyıştıruın häm 1 iyun’ Xalıqara balalarnı yaqlaw könendä balalarnı üterüen belderde.

Rusiyäneñ höcümdä raketalar qullanuın citkergän Popko tübändägeçä däwam itte: “Bilgelängän barlıq hawa tämekläre saqlanu köçlärebez häm apparatlarıbız tarafınnan yuqqa çığarıldı.”

Serge Popko raketa kisäkläreneñ ülemnärgä häm cimerülärgä kiterüen äytep: “Başqalanıñ Desna rayonında kisäklär ber poliklinikağa häm yanındağı küp qatlı binağa töşte. Monıñ näticäsendä 3 keşeneñ ğomere özelde, 10ğa yaqım keşe yaralandı. İñ naçarı da – ülüçelär arasında 2 balanıñ buluı,” – dide.

Popkp Dnepr rayonında ber öyneñ raketa kisäge töşüe näticäsendä zıyan kürüen, parkovkadağı ber maşinanıñ yanuın belderde.