"Rus şımçısı" dip ataluçı kit Şveśiyädä

Norvegiyädä 2019nçı yılda kürengän häm Rusiyä xärbi flotı tarafınnan öyrätelgän şpion kit buluı alğa sörelüçe aq kit bu yulı Şveśiyä yarlarına kilde.  

Başta Norvegiyäneñ Finnmark töbägendä açıqlanğan zur balıq yäkşämbe könne Şveśiyäneñ kön’yaq-könbatış yarındağı Xunnebostrand cirlege yänäşäsendä yözä ide.

Diñgez biologı Sebast’yan Strand kitnıñ tabiğıy moxitennän zur tizlek belän yıraqlaşuın, monıñ säbäbeneñ isä belenmäwen äytte. “Bu anı üzenä iş tabu öçen yünäleş birüçe gormonnar arqasında bulırğa mömkin. Yäisä, ak kitlar bik sośial’ tör bulğanğa, yalğızlığı êtärgeç biräder,”-di belgeç.

Älege kit Norvegiyädä berençe tapqır kürengändä ilneñ balıqçılıq idaräsennän diñgez biologları aña keşe yasağan qayış tağılğan buluın açıqladı. Anda kamera berketelä torğan mexanizm belän “Sankt-Peterburg cihazı” dip yazılğan plastik präşkä bar ide.

Mäskäw isä kitnıñ “rus şımçısı” buluı turındağı süzlärgä älegä qadär räsmi cawap birmäde.