Aleksandr Vuçiç partiyäseneñ liderlığınnan kitte

Serbiyä ilbaşı Aleksandr Vuçiç “Serb alğa baru” partiyäseneñ kiçä uzğan utırışında firqaneñ citäkçelegennän kitüen belderde. Ul 3 meñ 792 delegat qatnaşındağı cıyılışta partiyäsen bik nıq yaratuın häm, liderlıqtan kitsä dä, isän çaqta, annan hiç ayırılmayaçağın söyläde. Vuçiç “Serb alğa baru”nı 11 yıl citäkläde.

“Partiyäneñ yaña citäkçese itep (saqlanu ministrı) Milos Vuçeviçnı täq’dim itäm. Ul üze barıbız belän oçraşıp, partiyäneñ yaña liderı bulu nisbätennän qararın äytäçäk. Milos Vuçeviçnı saylarğa kiñäş biräm,”-dide Aleksandr Vuçiç.

Matbuğatqa yabıq ütkärelgän tawış birüdän soñ yaña lider bularaq saylanğan Vuçeviç belderü yasap üzenä yaqlaw kürsätkän ilbaşı Vuçiç häm delegatlarğa räxmät äytte. “Bügen miña kürsätelgän xörmät häm ışanıçqa layıq bulırğa ömetlänäm,”-dide ul.