Somalida êçke migraŝiyadä artış
Soñğı 5 ayda 1 million keşe öyen taşlap başqa urınnarğa küçenep kitärgä mäcbür qalğan
1990769
Somalida soñğı 5 ayda 1 million keşeneñ öyen taşlap başqa urınnarğa küçenep kitärgä mäcbür qaluı açıqlandı.
Norvegiya Qaçaqlar Şurasınıñ Somali direktorı Möxämmäd Abdi Somalidağı êçke migraŝiyaneñ sörän däräcäsenä citüenä iğtibarnı cälep itte.
Soñğı 5 ayda 1 million keşeneñ öyen taşlap küçenep kitärgä mäcbür qaluın beldergän Abdi monıñ kiläse aylarda tağın da arta alaçağına borçıluların assızıqladı.
Abdi êçke migraŝiyadä Êş-Şebab terror oyışması barlıqqa kitergän iminlek problemaları belän qorılıq häm su basu kebek tabiğıy afätlärneñ dä täêsirle buluın citkerde.
Küçenülär iñ küp küzätelgän töbäklär - ilneñ urtasındağı Hiran belän kön’yağında urnaşqan Gedo.
Somali direktorı citkergänçä küçenep kitüçelär sanı 3 million 800 meñnän artqan.
