Baqçasına meteorit töşte

Germaniyädä yäşäwçe törek ğailäseneñ baqçasına milliardlarça yıllıq kük taşı töşte

1990473
Baqçasına meteorit töşte

Germaniyäneñ Êl’msxorn şähärendä yäşäwçe törek ğailäseneñ baqçasına 4 milliard yarım yıllıq buluı farazlanuçı meteorit töşte. Waqıyğa 25nçe aprel’dä bula. Başta närsä buluın añlıy almağan ğailä yanğın sünderüçelärne çaqıra.

Gandbol tubı zurlığındağı taşqa magnetik test uzdıralar. 3 kilo 700 gram awırlığındağı meteoritnıñ yaqınça 4 milliard yarım yıllıq buluı uylanıla.

Dön’yanıñ här urınınnan kük taşı cıyuçılar Şaxin ğailäsenä dä möräcäğat’ itä häm meteoritnı satu öçen täq’dim yasıy. Germaniyä häm Amerika Quşma Ştatlarınnan 200 meñ yevroğa satıp alırğa teläwçelär bar.

Ğailä başlığı Mäxmüt Şaxin kük taşınıñ başta törle muzeylarğa quyıluın teli.



Bäyläneşle xäbärlär