İqtisadlar yaña kizülärgä äzerme?

Global’ iqtisadlar yaña kizülärgä êlekkege qadär äzer tügel.

Bötendön’ya sälamätlek saqlaw oyışması ğomum mödire Tedros Adanom Gebreyesus tarafınnan 2020 yılda koronavirus belän köräş öçen barlıqqa kiterelgän häm iqtisadlarnı “härkemgä sawlıq” perspektivasınnan bäyälägän “Härkemgä sawlıq iqtisadı şurası”nıñ berençe xisabı açıqlandı.

BMOnıñ Jenevadağı ofisında oyıştırılğan matbuğat oçraşuında Gebreyesus xisap belän bäyle bularaq bolay dide: “Xisap sälamätlekneñ ozın möddättä citärle häm daimi buluı öçen çaqıru yasıy. Şura innovaŝiyaneñ däwlät häm şäxsi tarmaq arasında êffektiv partnyerlıklar bulğanda êşkä yarawın da citkerä.”

Şura başlığı Professor Mariana Mazzukato isä Kovid-19nıñ betüen äytüenä qaramastan kizüneñ ber-bersenä bäyle krizislar arqasında betmäwen assızıqlap: “Tağın küp kenä kizü belän oçraşaçağıbıznı beläbez. Mäsälän, bozlanğan cirlärneñ êrüe belän yaña viruslar çığaçaq. Yaña viruslarğa (kizülärgä) êlekkegedän yaxşıraq äzerme bez? Global’ iqtisadlar cähatennän Şura xisabı moña “yuq” dip äytä. Çönki sawlıqqa citdi qaramadıq häm êş model’läre proyektlamadıq,” – dide.