AQŞtan Türkiyä açıqlawı

Amerika Quşma Ştatları Däwlät Departamentı däwlät başlığı Räcäp Tayyip Ärdoğannıñ Qara diñgez aşlıq koridorınıñ waqıtın ozınaytuları turındağı açıqlawınnan qanäğat’ qaluların belderde.

AQŞ Däwlät Departamentınıñ matbuğat särqätibe yärdämçese Vedant Patel’ Türkiyä belän Berläşkän Millätlär Oyışmasınıñ bu mäs’älädäge urtaq tırışlığın köçle räweştä xuplawların citkerde.

Könlek matbuğat oçraşuında Patel’ dön’yanıñ här berniçä atna sayın Mäskäwgä aşlıq koridorınıñ ähämiyäten xäterlätergä mäcbür qalmawı zarurlığın äytep bolay dide: “Berniçä atna sayın Mäskäwgä süzlärendä toruları häm keşelärneñ açlığın Ukrainağa qarşı suğışlarında qoral bularaq qullanuların tuqtatuları turında xäterlätergä mäcbür tügel bez. Dön’yanıñ Qara diñgez aşlıq koridorına ixtıyacı bar.”

Patel’ citkergänçä Rusiyäneñ Ukraina belän suğışnı tuqtatuı zarur. Suğışnıñ tuqtawı awıl xucalığı säwdäsen cayğa salaçaq  häm global’ azıq-tölek qurqınıçsızlığınıñ möhim ülçämdä yaxşıruına mömkinlek tudıraçaq.

Berläşkän Millätlär Oyışması ğomum särqätibe Antoniu Guterreş ta: “Qara diñgez aşlıq koridorı öçen Berläşkän Millätlär Oyışması belän koordinaŝiya êçendä êş başqaruçı Türkiyä ilbaşı Räcäp Tayyip Ärdoğan häm törek xökümätenä quyğan tırışlıqları öçen räxmätle min,” – dide.

Guterreş aşlıq koridorı belän bäyle qayber problemalarnıñ däwam itüen, Rusiyä Ukraina, Türkiyä häm Berläşkän Millätlär Oyışmasınıñ bu mäs’älälärne söyläşergä däwam itäçägen belderde.