Ukrainadan Pol'şağa kerüçelär sanı yaqınça 12 millionğa citkän

16 nçı mayğa Ukrainadan Pol’şağa kergän möhacirlär sanı yaqınça 12 millionğa citkän, ildän kire kitüçelär isä 10 millionnan artıq.

Pol’şa çik saqçılarınıñ Twitter akkauntındağı belderüdä äytelgänçä, Ukraina - Rusiya suğışı başlanğannan birle (2022 nçe yılnıñ 24 nçe fevralendä) köçle migraśiya däwam itä.

Kiçä genä Ukrainadan Pol’şağa 22 meñ keşe kergän, suğış başlanğannan birle Ukrainadan ilgä kilüçelär sanı 11 million 911 meñnän artıq.

Pol’şadan kitkän ukrainalılarnıñ ğomumi sanı 10 million 119 meñ dip terkälgän.

Ukrainadan Pol’şağa kilüçelärneñ 80%tan kübrägen xatın – qızlar häm balalar täşkl itä.

İldäge keşelärneñ 50%ı Rusiya –Ukraina suğışı arqasında Pol’şağa kilgän qaçaqlarğa yärdäm kürsätergä kiräk dip sanıy, suğış başlanğan waqıtlarda bu kürsätkeç 84% tiräse ide.

Pol’şadağı ukrainalılarnıñ 74%ı üz illärenä qaytırğa uylıy.