Rusiyä xakerı öçen - 10 million dollar
AQŞ rus xakerı Mixail Pavloviç Matveyevnı êläkterüdä yärdäm itüçelärgä aqçalata büläk ışandırdı
![Rusiyä xakerı öçen - 10 million dollar](http://cdn.trt.net.tr/images/xlarge/rectangle/59d1/329b/3a88/60e03693169b4.jpg?time=1728086693)
Amerika Quşma Ştatları däwlät departamentı Rusiyä watandaşı Mixail Pavloviç Matveyevnı êläkterü öçen kiräkle mäğ’lümat citkerüçegä 10 million dollarğa qadär aqçalata premiyä ışandırdı. Anıñ ildä xoquq saqlaw organnarı, şirkätlär häm kritik asqorma ob’yektlarına qarşı bik küp xaker höcümnärendä rol’ uynawı belderelä.
AQŞ däwlät departamentı süzçese Mêtt Miller bu xaqta yazmaça belderü yasadı. “Rusiyä kiber cinayät’çelär öçen ışanıçlı sıyınu urını bulıp, naçar niyätle programmaçılarnıñ AQŞ, berlektäşläre häm xezmättäşlärenä qarşı zıyan saluçı kiber operaśiyälären irekle räweştä tormışqa aşıru moxite täêmin itä” dide ul.
Miller däwlät departamentınıñ Xalıqara oyışqan cinayät’çelekkä qarşı premiyä programması qısalarında Rusiyä watandaşı Mixail Pavloviç Matveyevnıñ qulğa alınuı yäisä anıñ öçen aqçalata büläkläw täq’dim itelüen citkerde.
Yustiśiyä ministrlığı Vaşington häm N’yu-Djersi ştatlarındağı 2 mäxkämädä Matveyevqa qarata cinayät’ êşe açtı. Rusiyä xakerı, şul uq waqıtta, AQŞ finans ministrlığınıñ sankśiyälär isemlegenä kertelde.