Öyermä ülemgä kiterde

AQŞnıñ Texas ştatında bulğan tornadoda kimendä 1 keşeneñ ğomere özelde, 11e yaralandı.

Cirle çığanaqlarğa qarağanda, töbäkneñ Rio-Grande üzänlegendä şimbä könne çıqqan öyermä can häm mal yuğaltularğa kiterä.

Port İzabel poliśiyä departamentınıñ sośial’ media aşa yasağan belderüendä älegä qadär 1 keşeneñ hälaq buluı, 11 keşeneñ isä yaralanuı, alardan 2seneñ xäle awır ikänlege citkerelä.

Milli meteorologiyä xezmäte cirlektä säğatenä yaqınça 177 çaqrım tizlek belän xäräkät itkän tornadonıñ yortlarnı cimerüen, êlektr bağanaların awdaruın belderde.

Wäqalätlelär röbäktä afät iğ’lan itte. Şulay uq, köçle yañğır häm dawıl belän bergä yaña öyermälär çığa alu mömkinlegeneñ yuğarı buluı turında kisätü yasaldı.