BMO Qara diñgez aşlıq kileşüe öçen xezmättäşlegen däwam itteräçäk
BMO aşığıç yärdäm koordinatorı Griffiths BMOnıñ Qara diñgez aşlıq iniśiativasınıñ däwam itüe häm tulısınça ütälüe öçen böten taraflar belän tığız xezmättäşlegen däwam itteräçägen belderde
Berläşkän Millätlär Oyışması ğomum särkätibeneñ humanitar êşlärdän cawaplı urınbasarı häm aşığıç yärdäm koordinatorı Martin Griffiths BMOnıñ Qara diñgez aşlıq iniśiativasınıñ däwam itüe häm tulısınça ütälüe öçen böten taraflar belän tığız xezmättäşlegen däwam itteräçägen belderde.
BMO belderüenä kürä, Griffiths Türkiyä, Rusiyä häm Ukraina saqlanu ministrı urınbasarlarınıñ qatnaşuında İstanbulda 10nçı-11nçe mayda oyıştırılğan Qara diñgez aşlıq iniśiativası temalı cıyılışta çığış yasadı.
Global’ azıq-tölek qurqınıçsızlığı öçen bu iniśiativanıñ möhimlegen qabatlawçı Griffiths iniśiativanıñ başınnan birle Ukrainadan 30 million metrik tonnadan kübräk aşlıqnıñ häm azıq-tölek produktlarınıñ qurqınıçsız êksportın ciñeläytkännäre öçen bäyläneşle taraflarnı täbrik itte.
Martin Griffiths Togliatti-Odessa ammiyaq ütkärgeçeneñ yañadan êşlätelüe, kileşü waqıtınıñ ozaytıluı, totrıqlı operaśiyälär öçen Urtaq koordinaśiya üzägeneñ yaxşırtıluı kebek şaqtıy mäs’älä quzğatılğan cıyılışta Rusiyädän yasalğan azıq-tölek häm aşlama êksportınıñ möhim öleşen yuğarı bäyäläde.
Griffiths BMOnıñ iniśiativanıñ däwam itüe häm tulısınça ütälüe öçen böten taraflar belän xezmättäşlegen däwam itteräçägenä basım yasadı.
Ukraina cämğıyätlärne, töbäklärne häm asqormanı üsterü ministrı Aleksandr Kubrakov ta sośial’ media akkauntınnan yasağan belderüendä Qara diñgez aşlıq iniśiativasınıñ waqıtın ozaytu öçen tırışuların äytte.
BMOnıñ häm Türkiyäneñ söyläşülärneñ onlayn däwam itüen täq’dim itüen citkerüçe Kubrakov: “Ukraina wäkillege aşlıq kereşüe waqıtınıñ ozaytıluı öçen häm kiçekterelmiçä köymälärneñ terkälüe häm kontrol itelüeneñ däwam itelüeneñ zarurlığına basım yasıy”, - dip belderde.
