Könbatış Afrikada 48 million keşe açlıq çigendä

Bu xaqta BMO kisätä

1977116
Könbatış Afrikada 48 million keşe açlıq çigendä

Berläşkän Millätlär Oyışması kiläse aylarda Könbatış häm Üzäk Afrika illärendä 48 million keşegä azıq-tölek citmäw qurqınıçı yanawı turında kisatte.

Belderüdä äytelgänçä, qurqınıçsızlıq problemaları, yuğarı hawa temperaturası, waqıtında yawım - töşemnärneñ bulmawı, Kovid -19 êpidemiyäse arqasında soñğı 10 yılda azıq-tölek bäyäläre iñ yuğarı däräcägä kütärelde.

Ukrainadağı suğış dön’yanıñ yarlı töbäklärendä azıq-tölek häm aşlama qıtlığına kiterde.

BMOnıñ gumanitar yärdäm oyışmaları analizına qarağanda, ağımdağı yılnıñ iyün’- avgust aylarında qurqınıçsız häm tuqlıqlı rizıqqa regulyar räweştä ireşä almağan keşelär sanı 48 millionğa citäçäk.

Säxil töbägendäge qorılıq yaqın kiläçäktä 2,5 million keşeneñ başqa cirlärgä küçep kitüenä häm meñlägän keşeneñ ülemenä kiteräçäk.

BMOnıñ gumanitar yärdäm oyışmaları Säxil töbägendä 45 meñ keşe açlıq kiçeräçäk dip farazlıylar.

Älege farazlardan kürengänçä, bıyıl 5 yäş’kä qadärge yaqınça  16,5 million bala açlı-tuqlı qalaçaq.



Bäyläneşle xäbärlär