Rusiyägä urlanğan Ukraina balaları

Awrupa parlamentınıñ ğomum şurasında Rusiyä urlağan Ukraina balaları häm Xalıqara cinayät mäxkämäseneñ monıñ belän bäyle bularaq Rusiyä İlbaşı Vladimir Putinnı qulğa alu boyırığı mäs’äläsendä Jourova häm Awrupa Berlegeneñ çirattağı başlığı Şveśiyanıñ Awrupa êşlärennän cawaplı ministrı Jessika Roswall qatnaşuında utırış ütkärelde.

Jourova, Xalıqara cinayät mäxkämäseneñ Ukrainada qılınğan cinayätlär belän bäyle bularaq alıp barğan tikşerü qısalarında Rusiyä Däwlät başlığı Vladimir Putinnı häm Rusiyäneñ Bala xoquqları komissarı Maria Alekseyevna Lvova-Belovanı suğış cinayäte säbäbe belän qulğa alu qararın qabul itüen xäterlätep, monıñ suğışnıñ başınnan birle qabul itelgän şundıy berençe qarar buluına, bu räweşle mäs’älägä birelgän ähämiyätne kürsätüenä basım yasadı.

Awrupa Berlege komissiyası başlığı urınbasarı: "Qulğa alu boyırıqlarınıñ qabul itelüeneñ näticäse bularaq Xalıqara cinayätlär mäxkämäse şöbxälelärneñ qulğa alınuı häm tapşırıluı taläben bu keşelärneñ buluı mömkin teläsä qaysı ber ilgä citkerä ala häm alarnıñ tapşırıluında şuşı däwlätneñ xezmättäşlegen sorıy,” – dip äytte.

"Êvakuaśiya sıltawı belän Rusiyä 2022nçe yılnıñ fevral’ ayında tulı masştablı basıp aluın başlar aldınnan Ukraina balaların ilneñ xökümät kontrole tışındağı cirlärennän Rusiyägä köçläp küçerä häm deportaśiyäli başladı," – dip äytüçe Jourova bu wazğıyätneñ küp sanda Ukrainalı häm xalıqara oyışma tarafınnan belderelüen citkerde.

Jourova, Ukrainadan urlanğan bala sanınıñ 16 meñnän kübräk buluın belderep, Ukrainalı suğış balaları platformasına kürä xäzergä qadär barı tik 361 balanıñ bu ilgä qaytuın iskärtep uzdı.

"Qanunsız deportaśiyäläw näticäsendä asrawğa alu cinayät häm moña yul quyılmayaçaq,” – dip äytüçe Jourova Rusiyäneñ şuşı cinayättän cawaplı totıluın täêmin itü öçen yasalğan adımnarnı şuşı räweşle añlattı:

"Komissiya bigräk tä “Eurojust” Awrupa Berlege cinayät êşe xezmättäşlek oyışmasınıñ dälillärne cıyu häm saqlaw wäqaläten kiñäytte häm urtaq tikşerü törkemen küätländerde.

“Eurojust” şuşındıy xalıqnı küçerü xalıqara cinayätne täşkil itkän oçraqta şäxeslärgä qarata cinayätne tikşerüne häm gäyıpläwne koordinaśiyäläw wäqalätenä iyä. Prokuraturanıñ taläbe nigezendä urtaq tikşerü törkemendä bulğan wäqalätle milli organnar balalarnıñ deportaśiyälänelüenä qağılışlı mäğ’lümatlärne häm dälillärne xäzerge waqıtta urtaqlaştı häm kiläçäktä dä urtaqlaşırğa däwam itä ala.

Urtaq tikşerü törkeme qısalarında tözelgän häm “Eurojust”nıñ qabul itelüendä Ukrainağa qarşı höcüm cinayäteneñ cawaplılıqqa tartıluı belän bäyle bularaq Xalıqara üzäk tikşerülärne koordinaśiyäläw häm bäyläneşle dälillärne citkerü öçen qorılış täêmin itäçäk. “Eurojust” belän bäyle tärtipkä salu agentlıqnıñ Ukrainada qılınğan xalıqara cinayätlärgä qağılışlı dälillärne cıyu häm analiz itü öçen mäğ’lümat bazasın buldıruına röxsät biräçäk itep üzgärtelde."

Jourova: "Perspektivada Ukraina balalarınıñ qanunsız häm köçläp deportaśiyälänelüennän yäki küçerelüennän cawaplı buluçılarnıñ xisapqa totıluın häm Ukraina balalarınıñ imin räweştä ğailälärenä kire qaytarıluın täêmin itü öçen härtörle tırışlıqnı kürsätü burıçıbıznı däwam itteräbez,” – dide.