Awrupa Berlege urmannarnı qayğırta

Awrupa Parlamentı urmannarğa zıyan salıp citeşterelüçe soya, sıyır ite, pal’ma mayı, taqta, kakao häm qahwä kebek törle êşlänmälärneñ Awrupa Berlege illärenä importlanuın tıyuçı qanunnı rasladı.

Franŝiyaneñ Strazburg şähärendä uzğan Awrupa Parlamentı Ğomum utırışında dön’yadağı urmannarnı yuqqa çığarunı buldırmaw, klimat üzgäreşe belän köräş itü häm biotörlelekneñ yuğaluına kirtä quyu öçen äzerlängän qanun 552 tawış belän qabul itelde.

Qanunğa kürä Awrupa Berlege bazarlarında satıluçı êşlänmälärneñ bar dön’yada urmannarğa zıyan salmawı zarur.

Ayıruça pal’ma mayı, sıyır ite, taqta, qahwä, kakao, kauçuk häm soya belän şokolad, mebel’, kägäz’ häm kün kebek tovarlarnıñ urmannarnı yuqqa çığaruğa öleş kertmäwe mäcbüri bulaçaq.

Bilgelängän qağıydälärne ütämägän şirkätlär aqçalata cäzağa tartılaçaq.