Qor'ängä qabat tınğı birmilär

Niderlandtan tağın ber tapqır Qor’än Kärimgä höcüm xäbäre kilde.

İslamğa häm migrantlarğa qarşı çığuları belän tanılğan rasaçıl PEGİDA xäräkäteneñ liderı Êdvin Vagensvel’d Amsterdam mêriyäse qarşında izge kitapnı yırttı. Ul “ber törkemne mısqıllaw” ğayeplänüe belän prokuraturağa çaqırıluın äytte. Vagensvel’d üz qaraşların iñ yaxşı belderüneñ  yulı - qabat Qor’än Kärimgä höcüm buluın citkerä.

Rasaçıl xäräkätneñ liderı moña qadär 22nçe ğıynvarda Gaaga şähärendä Niderland parlamentı binası qarşında poliśiyä sağı astında Qor’än kitabın yırttı. 13nçe fevral’dä dä Utrext şähärendä oxşaş provokaśiyä oyıştırğan Vagensvel’dqa qarata rizasızlıq süzläre yawdı.