Mozambiknı vaba ayaqtan yıqtı

Mozambikta vabadan ülüçelär sanı 121gä citte. Milli matbuğattağı xäbärlärgä qarağanda, Mozambik sälamätlek saqlaw ministrlığı ildä 2022nçe yılnıñ oktyabrennän birle däwam itüçe kizüdän yuğaltular turında yaña mäğ’lümatlarnı citkerde.

Sonğı täwlektä tağın 237 keşedä vaba açıqlanğan häm awırtuçılar sanı 26 meñ 60qa citkän. Zambeziya, Niassa, Tete, Manika häm Sofala - iñ küp yoqtıru oçraqları terkälgän töbäklär.

Vaba kizüe belän köräşüçe Mozambikqa uzğan ay 1,7 million doza vakśina cibärelde.