Awrupa Berlege Ukrainağa qoral byudjetın raslağan

Awrupa Berlege Awrupa Tınıçlıq fondı qısalarında Ukrainağa suğış kiräk - yaraqları öçen 1 milliard yevro byudjetnı raslağan.

Awrupa Berlege şurası belderüendä äytelgänçä, Ukraina armiyäsenä bulışu öçen 1 milliard yevro finanslaw paketı qabul itelgän.

Şulay itep Awrupa Berlege äğ’za illärgä 2023 nçe yılnıñ 9 nçı fevralennän 31 nçe mayına qadär üz zapaslarınnan yäisä zakazlar aşa Ukrainağa cibärgän suğış kiräk - yaraqları öçen tüläw başqara alaçaq.

Bu çara äğ’za illär 20 nçe martta kileşü täêmin itkän häm yıl axırına qadär Ukrainağa 1 million snaryad cibärüne tizlätüne maqsat itep quya.

Soñğı yärdäm belän Awrupa Berlegeneñ Awrupa Tınıçlıq fondı qısalarında Ukrainağa ğomumi yärdäme 4,6 milliard yevro bulaçaq.