Tön'yaq Koreya şaltıratularğa cawap birmi
İke Koreya däwläte arasında kön sayın bilgele säğat'lärdä maxsus êlemtä urnaştırıla
Kön’yaq Koreya xökümäte Tön’yaq Koreyanıñ çikara êlemtä häm xärbi qaynar liniyä aşa şaltıratularına inde 4 kön cawap birmäwen belderde. İke kürşe häm tuğandaş däwlät cirle waqıt belän säğat’ 9da häm kiçke 5tä kön sayın êlemtägä çığa ide.
Kön’yaq Koreyanıñ berläşü ministrlığınnan yasalğan belderüdä bolay diyelä: “Tön’yaq Koreya comğa könnän birle daimi şaltıratularğa cawap birmäwe öçen köndälek êlemtä liniyäsen ber’yaqlı bularaq özgän sanala”.
Kön’yaq Koreya saqlanu ministrlığı da xärbi qaynar liniyä aşa kön sayın 2 tapqır şaltıratunıñ ber-ber artlı 4 kön cawapsız qaluın citkerde.
Berläşü ministrlığı süzçese Ku Byon Sam bolay di: “Wäzğıyät’ne küzätkän arada xökümät ber yaqtan Tön’yaq Koreyanıñ üz-üzen totışına niçek reakśiyä belderäçägen qarıy. Räsmi poziśiyä kürsätüebez ozaqqa suzılmas”.
