Ukraina Süriyägä qarata 50 yıllıq sankśiyä kertä

Ukraina iq’tisad ministrı Yuliya Sviridenko xökümätneñ Süriyä rejimına qarata 50 yıllıq tarmaq sankśiyäläre kertergä täq’dim itüen citkerde.  Ul ministrlar kabinetı utırışında çığış yasap, Süriyä rejimı korablarınıñ Rusiyä kontrolendäge Ukraina cirlärennän qanunsız räweştä aşlıq êksportlawın, basıp alınğan Doneśk häm Lugansk cirleklärendä iğ’lan itelgän xakimiyätne tanuın häm Ukrainağa höcümnärdä qullanılğan qorallarnıñ Rusiyägä täêminatınıñ Süriyä rejimınıñ Putinnıqına kürsätkän tulı teläktäşlek buluın belderde.

Sviridenko Süriyä rejimınıñ Ukrainağa qarata doşmança adımnarınıñ isemlegeneñ ozın buluın äytä häm “Däwlätebez, hiçşiksez, bolarğa reakśiyä kürsätä,”-di. Ul xökümätneñ Süriyägä qarata 50 yıllıq tarmaq sankśiyäläre kertelüen täq’dim itüen, monıñ älege ilneñ poziśiyäsenä kisken häm tiyeşle cawap buluın söyläde. Şulay itep, Ukraina belän Süriyä rejimı arasındağı iq’tisadi mönäsäbätlär teması ozaq waqıtqa yabıq qalaçaq.

Sankśiyälär Süriyä rejimı watandaşları häm şirkätläre belän import häm êksport êşçänleklären, investiśiyälärne tıyunı küzallıy.