Milliarderlarnıñ sanı da, baylığı da kimede

Amerikanıñ “Forbes” biznes jurnalı tarafınnan 37 nçe tapqır bastırılğan Milliarderlar isemlegenä qarağanda bıyıl dön’yada milliarderlar sanı uzğan yıl belän çağıştırğanda 28%qa kimep 2 meñ 640 dip terkälgän.  

Milliarderlarnıñ baylığı da 500 milliard dollarğa kimep 12,2 trillion dollar täşkil itkän.

Uzğan yıl Twiternı yuğarı bäyägä satıp alğannan soñ Tesla şirkäte akśiyäläre töşkän Êlon Mask milliarderlar isemlegendä 1 nçe urınnan 2 nçe urınğa töşte. Masknıñ baylığı uzğan yıl belän çağıştırğanda 39 milliard dollarğa kimep yaqınça 180 milliard dollar dip isaplände.

Luks tovarlar gigantı LVMH başlığı Bernard Arnault 211 milliard dollarlıq baylıq belän isemlektä berençe urında. Şulay itep berençe tapqır Franśiya grajdaninı isemlekneñ başında ide.

Milliarderlarnıñ yaqınça yartısınıñ baylığı uzğan yıl belän çağıştırğanda kimede, barlığı 254 keşe milliarder statusın yuğalttı.

İñ küp milliarderlar bulğan il - AQŞ (735). Qıtay – ikençe (562), Hindıstan - öçençe urında (169).  

Bıyıl Milliarderlar isemlegenä Türkiyädän 26 keşe kerde. Ärdämoğlu xoldingınıñ idärä şurası başlığı İbrahim Ärdämoğlu 5,3 milliard dollarlıq baylığı belän Türkiyäneñ berençe häm dön’yadağı 497 nçe bay keşese buldı.