Meksikada yuğalğan AQŞlı kümelgän

Meksikanıñ Tübän Kaliforniya yarımutrawında yuğalğan Amerika watandaşınıñ gäwdäsen qabergä kümelgän xäldä taptılar. Cirle prokurorlar 11nçe fevral’dän birle yuqqa çıqqan sanaluçı Uilmer Trivettnıñ mäyete tabıluın belderde. Anıñ töbäktä avtoyortı belän kempingta yal itüe bilgele bula. Tik 23nçe fevral’dä tägärmäçle öyen yanğan xäldä tabıp alalar.

Trivettnıñ annan alda 2 keşe belän yul hälakätenä êlägüe açıqlana. Töbäk prokurorı Daniêl de la Roza üterüneñ bu hälakät belän bäyle añlaşılmawçanlıqtan kilep çığuın uylawların, waqıyğanıñ 2 şöbhäleseneñ saq astına alınuın belderde. Ul zıyan yäisä yaralanğan öçen Trivettnıñ alarğa yaqınça 2 meñ 500 dollar tüläwen, tik älege keşelärneñ summanı azsınuı arqasında cinayät’ êşläwlären uylawların citkerde.

Tikşerü êşe däwam itä.