Mäskäwdä Süriyä cıyılışı başlandı
Türkiyä, Rusiyä, Bäşşar Äsäd rejimı häm İran arasında tışqı êşlär ministrı urınbasarları däräcäsendäge Süriyä temalı cıyılış Rusiyä başqalası Mäskäwdä başlandı
Rusiyä tışqı êşlär ministrlığında ministr Sergey Lavrov açış çığışın yasağan cıyılışta Türkiyä wäkillegen Tışqı êşlär ministrı urınbasarı Burak Aqçapar citäkli.
Cıyılışta Rusiyä isemennän İlbaşı Vladimir Putinnıñ Yaqın Könçığış häm Afrika illäre maxsus wäkile Mixail Bogdanov, İran isemennän tışqı êşlär ministrınıñ säyäsi êşlär kiñäşçese Ali Asgar Hacı, Äsäd rejimı isemennän Tışqı êşlär ministrı urınbasarı Äymän Susan qatnaşa.
Diplomatik çığanaqlardan alınğan mäğ’lümatkä kürä, Mäskäw söyläşüläre 4 ilneñ tışqı êşlär ministrları arasında ütkärelüe telängän cıyılış öçen äzerlek kebek bulaçaq.
Taraflar ministrlarnıñ nindi kön tärtibe belän cıyıla alınaçağı häm nindi xezmättäşlek ölkälären bäyäli alaçağı mäs’äläsendä fiker alışaçaq.
Cıyılış matbuğatqa yabıq ütkärelä.
