Kön’yaq Koreya, AQŞ häm Yaponiya urtaq xärbi künegülär ütkärä

Kön’yaq Koreya saqlanu ministrlığınnan yasalğan belderüdä ilneñ tön’yaq töbäklärendäge xalıqara sularda oyıştırılğan xärbi uyınnarda öç il flotınnan atom ênergiyalı “USS Nimitz” aviataşuçı belän êskadra taşuçılarınıñ qatnaşuı belderelde.

Belderüdä xärbi künegülärneñ Kön’yaq Koreya, Amerika Quşma Ştatları häm Yaponiyanıñ Tön’yaq Koreyanıñ küptän tügel su astı köymäsennän cibärgän ballistik raketalarğa häm başqa diñgez yanawlarına cawap birü sälätlären qamilläşterü öçen oyıştırıluı citkerelde.

Xärbi künegülärdä qurqınıç tudırırğa mömkin su astı köymäse flotlarınıñ abaylanıp bilgelänelüenä yünälüenä basım yasalğan belderüdä öç ilneñ ozaqlamıy humanitar maqsatlı êzläw-qotqaru künegülären dä oyıştıraçağı iskärtelep uzıldı.

Belderüdä: "Tön’yaq Koreyanıñ härtörle provokaśiyasına qatğıy räweştä cawap biräçäkbez häm täêsirsez xälgä kiteräçäkbez,” – dip äytelde.

Kön’yaq Koreya, AQş häm Yaponiyanıñ bügen başlatılğan su astı köymälärenä qarşı urtaq xärbi künegüläre ike kön däwam itäçäk.