AQŞta tornadolar bik küp keşene üterep kiçte

Amerika Quşma Ştatlarınıñ üzäk könbatış häm kön’yaq öleşenä täêsir itkän tornadolarda ğomere özelüçelärneñ sanı 26ğa citte.  

İlneñ meteorologiyä xezmäte Arkanzas, Missisipi, Ayova, Tennesi, İllinoys, Viskonsin – barlığı 8 ştatnı üz êçenä aluçı kiñ mäydanda monnan aldağı tönnän kiçäge tañğa qadär 57dän artıq tornado terkälüen belderde.

Näticädä Tennesidä - 9, Arkanzasta -5, İndianada-3, İllinoysta-4, Memfista- 3, Missisipi häm Alabamada 1är keşe hälaq buldı. Tulayım ülüçelär sanı – 26. Alarnıñ 2se bala.

İldäge êlektr özekleklären küzätep baruçı oyışma ğarasat yoğıntısı astında qalğan cirleklärdä bügen irtän 150 meñnän artıq binada ut bulmawın belderä.

Wäqalätlelär tabiğıy afät kiterep çığarğan yuğaltularnı isäpläw êşlären däwam itä.