Üsemleklär dä tawış çığara

Üsemleklärneñ keşe qolağı belän işetelmäyäçäk tawışlar çığaruı, susağan waqıtta yäisä stresslı bulğanda bu tawışlarnı arttıruları öyränelde.

“The Cell” isemle jurnalda urın alğan tikşerenügä kürä botaniklar üsemleklärneñ tawışsız can iyäläre bulmawın açıp saldı.

Tel’-Aviv Universitetınıñ Fän fakul’tetı dekanı Professor Lilach Hadany CNNğa açıqlaw yasap, bolay dide: “Tawışqa cawap birüçe küp kenä organizm bar, şunıñ öçen üsemleklärneñ sañğıraw häm telsez buluına ışanu öçen yaxşı säbäpneñ bulmawın uyladım.”

Başta 6 yıl êlek laboratoriyasendä ul’trasonik mikrofon qullanıp ber tör kaktusnıñ tawışın terkägän Hadany älege tawışnıñ kaktustanmı yuğıysä tirä-yaqtağı başqa närsädänme çığuın belmäwen äytte.

20 belän 250 kilogerŝ arasındağı tawışlarnı tota aluçı ul’trasonik mikrofonnarnı pomidor üsenteläre bulğan tartmalarğa urnaştırğan Hadany häm törkeme qayber üsemleklärneñ qayber urınnarın kiste, qayberlären susız qaldırdı, qayberlärenä isä qağılmadı.

Annarı keşe qolağı işetä almayaçaq däräcädä 40 belän 80 kilogerŝ arasında tawışlar terkägän törkem alarnı şartlağan pop-korn tawışına oşatuların citkerde.

Törkem şulay uq stres astındağı üsemleklärneñ kübräk tawış çığaruın da bilgeläde