Ukraina höcüm planlaştıra

Ukraina saqlanu ministrı Oleksiy Reznikov ileneñ xärbi köçläreneñ aprel’-may aylarında berniçä yünäleştä höcümgä küçä alaçağın belderde. Ul Êstoniyäneñ däwlät telekanalına interv’yusında qayber plannar belän urtaqlaştı.

Reznikov Ukraina ğomumştab idaräseneñ höcümgä küçü qararı biräçägen äytep: “Bu berniçä yünäleştä planlaştırıla. İñ yaxşı mizgelneñ qayçan bulaçağına häm niçek qarar qılaçaqlarına bäyle,”- dide.  

Reznikov höcümneñ hawa şartlarına bäyle buluın söyli. “Yazın bezdä cir bik yüeş. Barı çılbırlı texnika ğına qullanıla ala. Aprel’, may aylarında küz kürer. Kiyev, Çernigov, Sumi, Xar’kov’, Xersondağı şikelle waqıtlıça basıp alınğan cirlärebezne qotqarunı däwam itäçägebezgä ışanam,”- dide ministr.

Reznikov Baxmut yünäleşendä Ukraina ğaskäriläreneñ Rusiyäneñ höcüm köçen ähämiyätle külämdä kimetüen alğa sörä. Ul monıñ Ukraina köçlärenä front sızığında totrıqlılıqnı saqlarğa häm höcümgä äzerlänergä mömkinlek birüen citkerde.