Filippinnarda parom yanğan

Filippinnarda ber paromda çıqqan yanğında 31 keşeneñ ğomere özelde.

Mindanao utrawınnan Djolo utrawına barğan “The Lady Mary Joy 3” isemle paromda uzğan tönne bilgesez säbäptän yanğın çıqtı.

Basilan gubernatorı Djim Hataman açıqlaw yasap, paromda 250 keşeneñ buluın häm 31 keşeneñ ülüen belderde.

Hataman citkergänçä yanğan paromnan yaralanğan 23 keşe çığarıldı, yuğalğan 7 keşene êzlilär.

Qotqarılğan yulçılar yanğın artqan waqıtta paromnan suğa sikergän, yar buyı saqçıları, flot häm balıqçılar yärdäme belän diñgezdän çığarılğan alar.

Hataman beldergänçä kim digändä 23 yulçı yaralanğan häm xastaxanälärgä salınğan.

Paromnıñ Basilan yar buyına kiterelüen äytkän gubernator yanğınnıñ çığu säbäben tikşerülären citkerde.

1987 yılnıñ dekabr’ ayında Filippinnar bayraqlı “Dona Paz” isemle parom yağulıq tankerı belän bäreleşkännän soñ batqan ide. 4300dän artıq keşe yaqtı dön’yadan kitkän faciğa dön’yanıñ tınıçlıq waqıtındağı iñ naçar diñgez fäläkäte bularaq tarixka kerde.