537 keşe üle dip iğ'lan iteläçäk

Malavida Freddi ğarasatında yuqqa çıqqan keşelärne êzläw tuqtatıla

1967626
537 keşe üle dip iğ'lan iteläçäk

Malavi idaräse Freddi ğarasatında yuqqa çıqqan 537 keşene êzläw-qotqaru êşlären tuqtataçağın belderde. İlneñ ğadättän tış xällär idaräse başlığı Çarl’z Kalemba matbuğat ähellärenä yasağan belderüdä yaqınça 17 kön buyı êzlängän älege keşelärneñ tabıluına ömet azaluın, alarnıñ üle iğ’lan iteläçägen citkerde.

Malavida 676 keşeneñ ğomeren özgän Freddi ğarasatı yaqınça 143 meñ yortqa zıyan saldı häm 659 meñ keşe yärdämgä moxtac.

Poliśiyä häm armiyä wäkilläre cir ubılu häm su basular arqasında cimerelgän töbäklärdä könnär buyı êzläw êşçänlekläre alıp bara.

İldä ğarasatnıñ xolera kizüe taraluına kiteräçägennän şöbhälänälär. Şuña kürä gigiyena mobilizaśiyäse başlandı.

Bötendön’ya meteorologiyä oyışması fevral’dä başlanğan häm ber aydan artıq däwam itkän Freddi ğarasatınıñ “tarixta iñ ozaq däwam itkän ğarasat” bula aluın beldergän ide.

Älege afättän Mozambik häm Madagaskar da zıyan kürde.



Bäyläneşle xäbärlär