Franśiyä "golodomor"nı genośid dip tanıdı

Franśiyädä parlament Sovet rejimınıñ 1932nçe-1933nçe yıllarda Ukraina cirlärendä millionlağan keşene aç qaldırıp ülemgä êtärgän golodomor faciğasen “genośid” dip tanu täq’dimen qabul itte. Deputatlar ul çordağı lider İosif Stalinnıñ cir reformasın awıl keşelärenä mäcbüri qabul itterü öçen yasağan adımnarı näticäsendä kilep çıqqan älege waqıyğalarnıñ statusın üzgärtü yaqlı.

Xakimiyättäge partiyä Renessansnıñ deputatı Ann Jenet citäkçelegendä yasalğan täq’dimne 168 tawış belän qabul ittelär. 2 deputat qarşı çıqtı.

Ukrain telendä golodomor – keşelärne yasamla räweştä aç qaldırıp ülemgä duçar itü mäğ’näsendä. Älege faciğada yaqınça 4 million yarım keşeneñ ğomere özelüe bilgele.

Ukraina parlamentı 2006nçı yılda bu waqıyğanı genośid bularaq tanıdı.