Arakanlı möselmannar Bangladeştan qaça

Bangladeştan qaçqan 184 arakanlı möselmannı utırtqan köymä İndoneziyä yarlarına kilep citte. Aralarında xatın-qızlar häm balalar da bar. Alar Bangladeştağı möhacir lager’larındağı naçar şartlardan qaçuların söyli.

Qaçaqlar balıqçı köymäse belän İndoneziyäneñ Açexa töbägeneñ könçığış öleşendäge yar buyı regionı Kuala-Matang-Pewlaviğa kilep citte. Biredäge poliśiyä şefı Êndi Raxmansyax bolay dip belderä: “Bez alğan mäğ’lümatlarğa qarağanda, ber köymä alarnı utırtqan da, barası ciregezgä iltäm dip yar buyında qaldırıp kitkän”. Ul möhacirlär arasında däwalanuğa moxtac buluçılarnıñ da barlığın äytä. Wäqalätlelär älege waqıyğanı tikşerüne däwam itä.

Bangladeştan qaçqan arakanlı möselmannar arasında bulğan Ali Xösäyen üzlären ber köymäneñ aluın häm qarañğılıqta yar buyında töşerep qaldıruın söyli.

İndoneziyäneñ Açexa töbägenä 2022nçe yılda 500 arakanlı möselman qaçıp kilde.