Tön'yaq Koreya sınawların däwam itä

Kön’yaq Koreya häm Yaponiyä Tön’yaq Koreyanıñ Yapon diñgezenä taba ike ballistik raketa oçırtuın belderde.

Kön’yaq Koreya ğomumşura idaräse sınaw atışlarınıñ Tön’yaq Xvanxê töbägennän cirle waqıt belän säğat’ 7 tulıp 47 minuttan 8gä qadär yasaluın citkerä.

Yaponiyä saqlanu ministrlığına qarağanda, qısqa arağa oçuçı ballistik raketalar hawada 370 çaqrım uzıp Yaponiyäneñ kontinental’ suları tışına kilep töşä. Töbäktä hawa häm diñgez ob’yektlarına zarar kilmäwe belderelde.

Sınawlarnıñ Kön’yaq Koreya belän AQŞ armiyäläreneñ 3nçı aprel’gä qadär däwam itäçäk xärbi öyränüläre waqıtında uzdırıluı iğ’tibarnı cälep itte.