Missisipidä ğadättän tış xäl iğ’lan itelgän
Ştatta öyermä arqasında 26 keşeneñ ğomere özelgän
Amerika Quşma Ştatları ilbaşı Djo Bayden Missisipi ştatında häm anıñ tiräsendä zur cimerelülärgä kitergän öyermä arqasında töbäktä federal’ ğadättän tış xäl iğ’lan itkän.
Tabiği afättä xäzergä çaqlı 26 keşe ğomeren yuğaltqan.
Milli hawa torışı xezmäte Rolling Forkka kiterep bärgän öyermäneñ 5 tän 4 zurlığında buluı häm tizlege säğatenä 300 çaqrımnan artqan mizgellär terkälüe turındağı mäğ’lümat belän urtaqlaştı.
Federal’ ğadättän tış xällär belän idarä itü agentlığı räsmiläre töbäk xalqına kürsätelgän yärdämne Twitterdan urtaqlaştılar, Missisipi gubernatorı Teyt Reves watandaşlarnı qurqınıçsızlıq turında kisätte.
23 nçe mart kiçendä Milli hawa torışı xezmäte ştatnıñ Rolling Fork töbägenä taba xäräkät itkän öyermä turında kisätü yasap, “Tormışığıznı saqlap qalu öçen yäşerenegez” dip belderü yasağan ide.
Bäyläneşle xäbärlär
Franśuz diplomatları persona non-grata itep iğlan itelde
Burkina-Faso 3 franśuz diplomatın persona non-grata itep iğlan itte