"Putin Belarus'nı atom-töş totığı itep aldı"

Ukraina milli iminlek häm saqlanu şurası başlığı Oleksiy Danilov Rusiyä däwlät başlığı Vladimir Putinnıñ Belarus’ta taktik atom-töş qoralı urnaştıraçaqları turındağı belderüenä qarata: “Kreml’ Belarus’nı atom-töş totığı itep aldı,”-dide. Ul sośial’ mediadağı yazmasında Putinnıñ bu açıqlawın “Belarus’nı totrıqsızlaştıruğa ber adım” bularaq bäyäläde. “Bu Rusiyä häm Putinnıñ Belarus’ cämäğat’çelegendäge tiskäre qabul itelüen häm xalıqnıñ rizasızlığın iñ yuğarı däräcägä citkeräçäk,”-dide Ukraina wäkile.

Putin Belarus’ta atom-töş qoralı urnaştıraçaqların belderep, monı “Atom-töş qoralların taratunı çikläw şartnamäse”n bozmıyça başqaraçaqların assızıqladı.  

Ul Amerika Quşma Ştatlarınıñ Awrupadağı atom-töş qoralları turında iskärtep: “Qorallarnı Belarus’qa tapşırmıybız, urnaştırabız, näq’ AQŞ Awrupada êşlägän şikelle,”-dide.