Parijda poliśiyä demonstrantlarnı mısqıllıy häm qurqıta
Pensiyä reformasına qarşı protestlarda bulğan waqıyğada qatnaşuçılarnı cawapqa tartaçaqlar
Parij poliśiyä idaräse pensiyä reformasına qarşı protestlarda ber törkem poliśiyäneñ rizasızlıq çarasında qatnaşuçılarğa yanawına qarata administrativ tikşerü ütkärüne taläp itte.
Franśuz matbuğatındağı xäbärlärgä qarağanda, süz başqala Parijda 20nçe martta uzğan röxsätsez demonstraśiyälär turında bara. Loopsider internet säxifäse anda ber törkem poliśiyäneñ 7 protestçığa qarata naçar möğamäläseneñ audioyazmasın urtaqlaşa. Yazmada sügenü, yanaw häm suğu tawışları işetelä. Poliśiyä xezmätkäre ber demonstrantnı xastaxanägä salınırlıq xälgä kiterergä süz birä, ikençese isä Çad möhaciren Franśiyädän deportaśiyäläw belän yanıy.
Süz uñayınnan Parijda 23nçe martta pensiyä reformasına qarşı oyıştırılğan 9nçı massaküläm çarada ber hönäri berlek aktivistınıñ küze awır yaralana.
Êşçelär hönäri berlege yaralanğan protestçınıñ sul küzeneñ kürü säläten yuğaltuın belderde.
Franśiyädä pensiyä yäşen êtaplap 62dän 64kä citkerüne maqsat itep quyğan reformağa qarşı il külämendä atnalar buyı rizasızlıq çaraları bara.
Soñğı könnärdä Parij häm başqa şähärlärdäge protestlarda iminlek köçläre häm demonstrantlar arasında citdi bäreleşlär buldı, yaralanuçılar da bar.
Bäyläneşle xäbärlär
Uzğan yıl Germaniyädä 35 mäçetkä höcüm bulğan
Bu xaqta “2022 nçe yılda mäçet höcümnäre” isemle xisapta citkerelä
Yartı million balağa açlı-tuqlı yäşäw qurqınıçı yanıy
Yämän xökümäte köçläre kontrole astında bulğan töbäklärdä wäzğıyät' şundıy
