Meksikada yanartaw şartladı

Meksikanıñ Popokatepetl’ yanartawında 24 säğat’tä 7 şartlaw buldı. Ul 235 tapqır gaz häm köl attı. Bu xaqta Meksika afätlärne kisätü üzäge belderde.

Oyışma äzerlägän xisapta yanartawdan çıqqan köllärneñ cil belän tön’yaq-könçığışqa taba taraluı, regiondağı qayber toraq punktlarnıñ köl belän qaplanuı citkerelä.

Popokatepetl’neñ könçığışındağı Puêbla töbägeneñ ğadättän tış xällär koordinaśiyäse yanartawdan kilgän kölneñ sälamätlekkä zararlı buluın belderä häm watandaşlarnı çara kürergä çaqıra.

Bıyıl yanartawda terkälgän şartlawlar 242gä citte. Uzğan yıl buyı isä anıñ sanı 113 ide.

Popokatepetl’ yanartawı ber yıldan artıq waqıttır aktivlaşuın kürsätä. Mançester universitetı ğalimnäre fikerençä, kiläse berniçä yıl êçendä anıñ atuı mömkin. Ul şartlawı kötelüçe yanartawlar arasında bişençe urında.