İranda yaralanuçılar artqan

İrannıñ tön’yaq-könbatışındağı Könbatış Azärbaycan vilayätenä bäyle Hoy şähärendä barlıqqa kilgän cir teträwdä yaralanuçılar sanı 165kä citte.

İrannıñ räsmi xäbär agentlığı IRNAğa kürä Könbatış Azärbaycan gubernatorı Möxämmäd Sadık Mutemediyan êpiŝentrı Hoy şähäre bulğan 5,6 ball zurlığındağı zilzilädä yaralanğan 165 keşedän 139ınıñ xastaxanädän çığuın, qalğannarınıñ isä däwalanuın açıqladı.

Könbatış Azärbaycannıñ Toraq waqıfı ğomüm mödire Cafer Berzegar afättä Selmas häm Hoy şähärlärendä 10 awılda 80 toraqnıñ zıyan kürüen äytte.

İrannıñ Könbatış Azärbaycan vilayätenä bäyle Hoy şähärendä kiçä irtän cirle sägät’ belän 06.46da 5,6 ball zurlığında cir teträgän ide. afättä berençe mäğlümatlarğa kürä Hoy häm Selmas şähärlärendä 82 keşeneñ yaralanuı açıqlandı.