Tön’yaq Koreya diñgezgä taba küp sanda raketa cibärgän

Kön’yaq Koreya tön’yaq kürşeseneñ diñgezgä taba küp sanda qanatlı raketa cibärüen belderde

1963592
Tön’yaq Koreya diñgezgä taba küp sanda raketa cibärgän

Kön’yaq Koreya armiyasınnan yasalğan belderüdä, Tön’yaq Koreyanıñ tön’yaq-könçığışındağı yar buyı qasabası Hamhungtan "bik küp" qanatlı raketa oçırtıluınıñ bilgelänelüe citkerelde.

Raketalarnıñ Tön’yaqnıñ könçığış sularına cibärelüe häm Kön’yaq Koreya belän Amerika Quşma Ştatları küzläw räsmiläreneñ tağın da kübräk mäğ’lümatne tikşerüe äytelde.

Ayıruça Kön’yaq Koreya ğaskäreneñ äzerlegen däwam itteräçäge häm Amerika Quşma Ştatları belän xärbi künegüläreneñ qalğan öleşen uñışlı räweştä tämamlayaçağı iskärtelep uzıldı.

Telgä alınğan raketa sınawları AQŞ häm Kön’yaq Koreya armiyalarınıñ uzğan atnada Tön’yaqnıñ basıp alu repetiśiyası dip bäyälägän 11 könlek zur külämle xärbi künegülärgä başlawınnan birle dürtençe raketa sınap qarawı buldı.

Xärbi uyınnar irtägä betäcäk, läkin Amerika Quşma Ştatlarınıñ Kön’yaq Koreya belän yaña urtaq xärbi künegülär turı öçen kiläse könnärdä oçqıç köymäsen (aviataşuçını) cibärüne planlaştıruı arqasında Tön’yaqnıñ sınawlarına däwam itüe kötelä.

Kön’yaq Koreya belän Amerika Quşma Ştatlarınıñ 14nçe martta başlatqan “İrek qalqanı" xärbi künegüläre barğan çaqta Tön’yaq Koreya raketa sınawların ütkärä.



Bäyläneşle xäbärlär