Tanzaniyada marburg virusı can aldı

İlneñ Sälamätlek saqlaw ministrı Ummy Mwalimu açıqlaw yasap, berençe itep serle xastalıqtan ülüe açıqlanğan 5 keşeneñ tänennän alınğan ürnäklärdä marburg virusınıñ tabıluın citkerde.

Xastaxanädä 3 keşeneñ yatuın beldergän ministr alar belän êlemtägä kergän 161 keşene dä küzätep baruların äytte.

Ministr Mwalimu panika yäisä ildäge iqtisadi êşçänleklärne tuqtatu zarurlığınıñ bulmawın açıqlap, xastalıqnı kontrol’ itü öçen tırışuların belderde.

Marburg virusı berençe tapqır 1967dä Germaniyaneñ Marburg şähärendäge ber laboratoriyadä kürelde.

Awırularda temperatura, köçle baş awırtuı, xälsezlek, qosu kebek simptomnar kinät kenä küzätelä häm küp kenä xastada 7 köndä köçle gemorragik simptomnar kürenä.

Vakŝinası yäisä maxsus däwalaw ısulı bulmağan virusta ülem küläme isä 23% belän 90% arasında üzgärä.

Angolada 2005 yılda barlıqqa kilgän marburg virusı kizüendä virusnı yoqtırğan 252 keşeneñ 90%ı yaqtı dön’yadan kitte.