Könçığış Afrikada 40 million doza vakśinanı çüpkä taşlıylar

Könçığış Afrika illärendä vakśinaśiyägä qızıqsınu kimü häm logistik problemalar arqasında yaqınça 40 million doza Kovid -19 vakśinasın çüpkä taşlayaçaqlar.

“The East African” gazetı yazğança, êpidemiyägä qarşı millionlağan doza vakśina satıp alğan töbäk illäre vakśinaśiya äkrenäyü häm yärdäm programmalarına öleş kertü kimegännän soñ vakśinalarnı yuqqa çığara başlağannar.

İñ zur vakśina zapası bulğan Ugandadağı 13 million 400 meñ vakśinanıñ soñğı qullanu waqıtı 4 ay êçendä betäçäk.

Uganda belän bergä Keniya, Tanzaniya, Ruanda, Burundi, Kongo häm Kön’yaq Sudan da küpläp vakśina satıp illär arasında.

2021 nçe yılda 27 million 800 meñ doza vakśina alğan Keniyädä uzğan ayda 840 meñ doza “AstraZeneca” vakśinası yuq itelgän.

İldäge vakśina zapası – 4 million. Könlek vakśinaśiyäläw kürsätkeçläre 2 meñ dozadan 200 gä qadär kimegän.

Könçığış Afrika illärendä yuq itelüe kötelgän yaqınça 40 million doza vakśina buluı äytelä.

Êpidemiya başlanğannan birle böten qıytğağa 1 milliard 100 meñ doza vakśina kiterelgän bulsa, alarnıñ xäzergä çaqlı 973 millionı qullanılğan. Vakśinaśiyälänäçülär däräcäse 49,7% täşkil itkän.