Yaponiya Baş ministrı Kişida Hindstanda

Hindstan matbuğatına kürä, Kişida säfäre waqıtında Yaponiya-Hindstan maxsus strategik häm global’ urtaqlığınıñ arttırıluıa häm FOIP "İrekle häm açıq Hind-Tın okeanı” vizionınıñ tormışqa aşırıluına qağılışlı tırışular xaqında Hindstan Baş ministrı Narendra Modi belän fiker alışaçaq.

Kişida ike könlek räsmi säfär aldınnan sośial’ media akkauntınnan urtaqlaşqan yazmasında ike ilneñ xalıqara awırlıqlarnı xäl itüdä häm Hindstan-Yaponiya maxsus strategik global’ urtaqlıqnı nığıtuda uynawı zarur rolne bäxäsläşergä teläwenä basım yasadı.

Yaña Dähli säfärendä FOIPka qağılışlı yaña planın açıqlayaçağın da citkerüçe Kişida: "Aziyanıñ aldınğı demokratiyäläre bularaq Hindstan häm Yaponiya arasındağı qaqşamas ışanıç häm yaqın koordinaśiyanıñ töbäktäge tınıçlıq häm mullıqnıñ nigez taşları buluına ışanam,” – dip belderde.

Kişida başqa ber yazmasında isä Hindstan Baş ministrı Modine Xirosimada oyıştırılaçaq G7 Liderlar sammitına räsmi räweştä çaqıruın iskärtep uzdı.

İke lider ayıruça Yaponiyanıñ G7 häm Hindstannıñ da G20 çirattağı räise buluı mönäsäbäte belän xezmättäşlek mäs’älälären qarap çığaçaq.