"Urtaq Awrupa qağıydälärenä ixtıyac bar"

Germaniya tışqı êşlär ministrı Annalena Berbok qoral häm xärbi kiräk-yaraq êksportı mäs’äläsendä urtaq Awrupa qağıydälärenä ixtıyacnıñ buluın äytte.

Ministr Berbok “Welt” gazetına açıqlaw yasap: “Ägär dä xalıqqa qarata bombağa totunı mömkin bulğan iñ qırıs räweştä ğayeplibez ikän, şul uq waqıtta alarğa xärbi kiräk-yaraq êksportlıy almıybız. Şunıñ öçen êksport mäs’äläsendä urtaq Awrupa qağıydälärenä ixtıyacıbız bar,” – dide.

Berbok tübändägeçä däwam itte: “NATO häm Awrupa Berlegendä qurqınıçsızlıq häm saqlanu mäs’älälärendä küptännän yaqın xezmättäşlek başqaruıbızğa qaramastan Rusiyäneñ suğışı bezgä qoral häm xärbi kiräk-yaraqlarnıñ Awrupa illäre arasında turı kilmäwen kürsätte. Şunıñ öçen xäzer partnyerlarıbız belän qorallanu ölkäsendä sänägät’ säyäsäte cähatennän dä niçek tağın da yaqın xezmättäşlek itä aluıbız östendä êşlibez. Bu - şulay uq êksport öçen urtaq qağıydägä ixtıyac bar digän süz.”

Germaniya tışqı êşlär ministrı Awrupağa küçep kitärgä telägändä Urta diñgez sularında ğomere özelüçelärgä iğtibarnı cälep itep: “Urta diñgezdäge ülemnär Awrupanıñ yarası bulıp tora çönki urtaq migraŝiya säyäsätenä ireşä almadıq. Ni qadär awır bulsa da, urtaq poziŝiya östendä yaxşılap êşlärgä tiyeş bez häm êşlärgä däwam itäçäkbez,” – dide.