Altın şaxtasına höcüm

Üzäk Afrika cömhüriyäteneñ Bambari şähäre yanında altın çığaruçı şaxtağa qorallı törkem höcüm itte. Anda 9 qıtay êşçeseneñ ğomere özelüe belderelä.

Cirle matbuğattağı xäbärlärgä qarağanda, Çingbolo şähärendä urnaşqan şaxta mäydanı Qıtay şirkäteneke. Höcüm itüçelärneñ kem buluları älegä açıqlanmağan. Alar şaxta mäydanındağı texnika häm toraqlarnı talıy. 9 şaxtaçını üterälär.

Qıtay şirkäteneñ cirlektä 5 kön êlek êşli başlawı bilgele.

Höcümçelärne êläkterü öçen operaśyä başlandı.

Üzäk Afrika cömhüriyätendä 3 kön êlek Nana-Mambere töbägenä bäyle Gbembo awılı tiräsendäge şaxta mäydanına Üzgäreş öçen watanpärwärlär koaliśiyäse dip ataluçı ğıys’yançı törkem höcüm itte. Alar 3 Qıtay şaxtaçısın urladı.