Liviyädä 2 tonna yarım uran yuqqa çıqtı
Xalıqara atom ênergiyäse agentlığı yuğalğan xätär matdä nisbätennän çañ suğa
Liviyada 2,5 tonna tabiğıy uran tutırılğan 10 miçkäneñ monnan alda wäqalätlelär beldergän urında tabılmawı citkerelde
Xalıqara atom ênergiyäse agentlığınıñ idarä şurası äğ’zalarına yasağan belderüendä Liviyä belän tözelgän Işanıç belderüe kileşüe häm östämä protokol qısalarında bu ildäge atom-töş êşlänmälärenä bäyle raslaw häm küzätü êşçänlege alıp barıluı xäterlätelä. Anda 14nçe martta agentlıq revizorlarınıñ, östämä protokol nigezendä, 2 tonna yarım urannı wäqalätlelär äytkän urında saqlanmawın açıqlawları citkerelä. Xalıqara atom ênergiyäse agentlığı älege 10 miçkä xätär matdäne tabu häm xäzerge wäzğıyät’kä açıqlıq kertü öçen xäräkätkä küçte.
Bu xälne centekläp tikşerä başlaw kiräklege äytelgän belderüdä mondıy yullar bar: “Atom-töş êşlänmäläreneñ xäzerge urını turındağı mäğ’lümatnıñ yuqqa çığuı, atom-töş qurqınıçı tışında, nurlanış yanawı barlıqqa kiterä”.
