Ğarasat qorbannarınıñ sanı arta

Malavida Freddi ğarasatı arqasında kim digändä 216 keşeneñ ğomere özelgän, 707 keşe yaralanğan, 41 keşe yuğalğan.

Bu xaqta Malavi däwlät başlığı Lazarus Çakvera xäbär itä.

Çakvera ilneñ kön’yağında 70 meñnän artıq keşeneñ küçenep kitärgä mäcbür buluın belderde häm xalıqara cämäğat’çelektän aşığıç yärdäm soradı.  

Köçle cil häm su basudan şaqtıy yort zıyan kürgän. Su basu arqasında qayber töbäklärgä kerep bulmy.

Bötendön’ya meteorologiya oyışması berence tapqır 21 nçe fevral’dä Madagaskarda, 3 könnän soñ Mozambikta küzätelgän Freddinıñ tarixta iñ ozaq däwam itkän ğarasat bulırğa mömkinlegen beldergän ide.

Ğarasattan Madagaskarda yaqınça 226 meñ, Mozambikta 163 meñ keşe zıyan kürde.